Nagadan an sarong tawo asin dakol an na irido matapos magkaigwa nin aberya an sarong rollercoaster sa sarong Amusement Park sa Georgia.
Nangyari an makatakot na insidente sa Six Flags Over Georgia, kun sain nahulog an biktima gikan sa sinasakyan kaining rollercoaster.
Segun sa Cobb County Police Department, sarong lalaki an nahulog gikan sa Goliath rollercoaster, na nagresulta sa saiyang tulos-tulos na kagadanan.
An insidente nagwalat man nin nagkapirang nalugadan na sa ngunyan pigbubulong sa ospital.
Nagpatawag na nin imbestigasyon si Mableton Mayor Michael Owens tanganing maaraman an kawsa kan trahedya.
Katuyuhan kan imbestigasyon na masiguro an kaligtasan kan publiko sa mga siring kaining pasilidad asin malikayan an pag-utro kan siring na insidente.
