Pabor an mga parauma sa Barangay Pacol, Naga City, sa suhestiyon kan National Food Authority (NFA) na itaas sa ₱30 kada kilo an buying price kan paroy.
Dakulang tabang ini sa mga parauma, orog na ngunyan na mahal an krudo na ginagamit sa pagpapaandar kan hand tractor.
Sa presente, lampas ₱5,000 an nagagastos ninda sa sarong ektarya pa sana, kaya an presyo kan paroy na nasa ₱17 kada kilo ngunyan, kulang tanganing mabawi an saindang gastos.
Mas nagin mahirap an sitwasyon kan naglihis na taon kan bumaba sa ₱8 kada kilo an presyo kan paroy, na nagresulta sa dakulang kalugihan.
Huli sa sunod-sunod na kalugihan, may mga parauma na napipiritang magpondo o mangutang para maipagpadagos an saindang pag-uma.
Kaya panawagan ninda na madagusang itaas an buying price kan paroy tanganing maprotektaran an saindang kabuhayan asin masiguro an mas marhay na kinabukasan kan saindang pamilya.
