Pito (7) na Overseas Filipino Workers (OFWs) an nalugadan, kun saen tolo (3) digdi an nasa kritikal na kamugtakan, huli sa mga pag-atake sa Saudi Arabia, segun sa pinakabagong report kan Department of Foreign Affairs (DFA) asin Department of Migrant Workers (DMW) kan Lunes, Oktubre 19.
Ini konektado sa mga nangyaring pag-atake, partikularmente sa King Khalid International Airport kan nakaaging Sabado.
An DFA asin DMW nagtutulungan sa pakikipag-ugnayan sa mga awtoridad kan Saudi tanganing magtao nin tabang sa mga Pilipinong apektado kan kaguluhan.
Nagpaabot man nin pakikidamay an Gobyerno kan Pilipinas sa mga pamilya kan mga nagadan asin naghagad nin marikas na pagkarahay para sa mga nalugadan. “The Philippine Government extends its deepest condolences to the families of those killed in the attacks in several areas of the Kingdom of Saudi Arabia, and wishes a speedy recovery to those injured,” an pahayag kan DFA.
Nangpudan man an ahensya sa gabos na partido na tapuson na an paggamit nin dahas asin idaan na sana sa matuninong na resolusyon asin diplomasya an kaguluhan.
Pinagiromdom man an mga Pilipino sa Saudi na sumunod sa mga giya kan lokal na awtoridad asin padagos na makipag-ugnayan sa Embahada asin Consulate General.
