Nagpahayag si PNP chief PGeneral Jose Melencio Nartatez Jr. na an siisay man na nagtatago ki Senador Ronald ‘Bato’ Dela Rosa kakasuhan, mantang padagos an paghanap sa senador.
An deklarasyon na ini naggikan sa tahaw kan padagos na paghiro kan PNP tanganing mahanap an senador, na sa ngunyan ibinibilang na pugante.
Aktibo an mga awtoridad sa pakikipag-ulay sa mga harani ki Senador Dela Rosa tanganing makakua nin impormasyon manungod sa saiyang kinamumugtakan.
Nag-anunsyar asin nag-alok si Interior Secretary Jonvic Remulla nin P50-M na pabuya para sa impormasyon na magtutukdo sa tulos na pag-aresto sa senador.
Nagtao man si PGeneral Nartatez Jr. nin sarong semana na ultimatum para ki Senador Dela Rosa na kusang sumuko.
Kun dai siya sumuko sa laog kan itinaong panahon, magkakaigwa nin mas pinakusog na operasyon tanganing siya arestuhon.
