Kumpiyansa si Atty. Nicholas Kaufman, an pangenot na abogado ni dating Presidente Rodrigo Duterte, na igwa soboot nin makusog na argumento tanganing iuntok an kaso kontra ki Duterte sa International Criminal Court (ICC) antes pa man ini mag-agi sa paglilitis.
Tinawan-duon ni Kaufman na dae saklaw kan hurisdiksiyon ng ICC an kaso huli sa paghali kan Pilipinas sa international court antes pa man in-authorize an imbestigasyon kontra sa dating presidente.
Dugang pa ni Kaufman na an pag-withdraw kan Pilipinas gikan sa ICC an naging epektibo antes pa man magpuon an saindang imbestigasyon.
Naglaom man ini na matrayumpo an saindang depensa kun maresiber kan korte an saindang argumento na mabukas man sa posibilidad na dae madagos an confirmation-of-charges hearing na nakatalaan sa Setyembre 23, 2025.
Mientrastanto, ipinaliwanag pa ni Atty. Kaufman na an pag-arestar ki Duterte asin an marekas na pagpasa sa saiya sa ICC an sarong “kidnapping” asin “extrajudicial rendition,” na pagbalgar soboot sa ley kan Pilipinas.
Alagd enot nang ipinahayag kan gobyerno kan Pilipinas na an pagsuko ki Duterte sa ICC an parte sana kan saindang obligasyon sa International Criminal Police Organization asin dae boot sabihon na pigpapalaog ninda sa may sala an dating Presidente.
