NAGA CITY- Naipadara na sa Senado an absolute divorce bill, tolong semana makalihis na makapasar sa ikatolong pagbasa, sigun sa principal author kaini na si Albay Rep. Edcel Lagman.
Ipinahiling ni Lagman an kopya kan surat ni House secretary general Reginald Velasco ki Senate President Francis Escudero na naghuhurot sa concurrence kan Senado sa House Bill No. 9349, o “An Act Reinstituting Absolute Divorce as an Alternative Mode for the Dissolution of Marriage,” na naipasar sa huring pagbasa kan Mayo 22.
Kun maisasa-lay, ibwe-bwelta kaini an diborsyo sa nasyon asin magtatangro sa mga mag-agom kan fourth mode sa pagpapawarang-bisa kan irreparably broken or dysfunctional marriages basado sa mga limitadong salik.
An tolong iba pa an pigtugutan sa irarom kan Family Code an canonical dissolution, annulment asin legal separation.
