Nangapodan si House Committee on Higher and Technical Education Chairman Jude Acidre sa Senado, sa pangengenot ni Senate President Vicente “Tito” Sotto III, na tulos ipasar an Bagong Balikbayan Act mantang ribu-ribong overseas Filipino workers (OFWs) an nagpupuli liwat sa nasyon makalihis an holiday season.
Pigtawan-duon ni Acidre an importansiya na maipasar tulos an prosopwesto tanganing mapakarhay asin mapakusog an mga programang matabang sa liwat na paglaog kan OFWs sa lokal na trabaho, negosyo, asin pamayanan.
An prosopwesto an primerong pigtalaan ni dating House Speaker Ferdinand Martin Romualdez asin naaprubahan na kan Kamara.
An House Bill No. 6643 o Bagong Balikbayan Act an obhetong pagsaruon an mga reintegration services, pahewason an tabang pangkabuhayan asin magtaong malinaw asin padagos na suporta sa mga nagbebweltada na migranteng obrero asin saindang pamilya.
Pigpunto ni Acidre na an tulos na aksiyon kan Senado an mapahiling na pigbibisto kan Kongreso an sakripisyo kan OFWs asin preparadong tumbasan ini nin konkretong reporma.
Kadakol soboot FWs an nagtitinir na mayong trabaho o kulang sa hanapbuhay bulan makalihis na makapuli, sa ibong kan saindang kasanayan asin karanasan sa abroad.
Kaibahan sa mga probisyon kan prosopwesto an pagpupuon kan reintegration assistance hasta anom na bulan antes magpuli an OFW, pagkakaigwa nin regilar na job fairs, pagbistado sa kasanayang nakua sa ibang nasyon, asin pagtatatag kan digital platform para sa job matching, training asin iba pang serbisyo.
Naaprubahan kan Kamara an prosopwesto kan nakalihis na Disyembre 16, 2025 asin naipadara sa Senado kinaagahan.
Sigun ki Acidre, an maagap na pagpasar kaini an makakatabang sa tulos na pangangaipuhan kan mga OFW asin saindang pamilya ngunyang padagos an pagdakol kan mga nagpupuling obrero.
