NAGA CITY- Yaon na sa voting center an mga gagamiton na Automated Counting Machine para sa eleksyon sa Mayo 12 sa banwaan nin Buhi, Camarines Sur.
Sa entrevista kan Bombo Radyo Naga ki Perfecto V. Llanza Jr, Acting Election Officer kan Comelec- Buhi, sinaysay kaini na pigbabantayan na kan mga personahe kan PNP an nasambitan ng mga ACM na nakatago sa mga polling precinct.
Sigun ki Llanza, nagpakol sa nasa 74 na Automated Counting Machines an saindang nareseber kaibahan an nasa 10 contingency machine.
Lima sooboot na mga kabuhan kan pambansang pulisya an nagbabantay digde tanganing maasegurar na pakarhay asin mayong magbungkaras na bareta sa papaabuton na Mayo 12.
Dugang pa kan opisyal, makalihis an pigkundusir na testing asin sealing tolos man ining pigturn-over sa mga paratukdo na yaon sa mga voting center.
Mientrastanto, sa presente, dagos-dagos soboot an saindang pagverify kan mga ballots na gagamiton kaibahan an mga political parties asin PPCRV tanganing mahiling kan mga ini na mayong dayaan na mangyayari.
Sa ngunyan, hagad na sana kaini an matryumpo, matuninong asin marhay na eleksyon sa papaabuton na Mayo 12.
