Nagsagibo an Office of the Civil Defense asin an Philippine Institute of Volcanology and Seismology (Phivolcs) nin aerial survey sa bulkan kan Kanlaon ngunyan na aldaw, Huwebes, Disyembre 12.
Sa sarong pahayag, sinabi kan Philippine Air Force (PAF) na an siring na survey naghaloy nin haros sarong oras. 2 S70i Black Hawk helicopters an ginamit sa ginibong aerial survey para makatipon nin datos na may kinaaraman sa posibleng peligro makalihis an pagtuga kan bulkang Kanlaon. Pig puonan an flight mission pasado alas 8:29 nin aga.
Ginamit man an mga nasambitanb ng helicopter sa pagtransportar kan mga relief goods na nakatalaan para sa mga apektadong komunidad. Kabale sa mga nagkondusir kan aerial survey sinda PHIVOLCS director Teresito Bacolcol, OCD Western Visayas chief Raul Fernandez, OCD Central Visayas director Joel Erestain, asin iba pang opisyales kan PAF.
An inter-agency team naggamit nin mga aerial platform tanganing magkaigwa nin komprehensibong paghiling sa sitwasyon asin mabisto an mga lugar na nangangaipo nin tulos na atensyon. Pigsaysay kan PAF na ini nagtitinir na comitted sa pagsuporta sa disaster response asin relief efforts sa paagi kan pagtao nin importanteng aerial capabilities.
