TIGKLARO ni Armed Forces of the Philippines an mga alegasyon ni Atty. Levito Baligod na may ebidensya siya sa katiwalian na tigkaka-embweltuhan kan 18 Marines, na suboot dating kaibanan sa surprise witness na si Master Sg. Orly Regala Guteza.
Sigon sa AFP, an naunambitang akusasyon an dapat na pag-adalan sa tamang legal asin ‘incestigative processes’. Pinagigirumduman man kan AFP an parehong mga tropa kaining aktibo asin retirado na umiwas sa pagpapalakop kan dae beripikadong impormasyon.
Sa sarong mensahe naunambitan kan AFP na posibleng magkawsa an mga pahayag nin Disinformation na baku suboot deserve kan publiko.
Si Baligod dating senatorial candidate kan taong 2016 an nagpailing nin mga dokumento na suboot naglalaman nin mga affidavits gikan sa mga Marines na nag-iistorya manungod sa pagtatao nin mga male-maletang kwarta sa mga dae pinangaranan na mga politiko.
Duwa o apat sa mga indibidwal an myembro suboot kan Philippine Navy, na tulos man na pinabulaanan kan Navy. Sigon pa kay Phil. Navy Spokesperson Capt. Marissa Martinez, an apat na indibidwal an dae nuarin man naging myembro kan Navy o Marine Corps.
Mantang naunambitan man ni Martinez na si Guteza an retirado na magpuon kan July 2020 asi bako sakop kan administratibong awtoridad kan Navy. An iba man an nadischarge na huli sa dishonorably o nakapag-retire na.
