Pighurot kan Armed Forces of the Philippines (AFP) na dae sinda nakikiaram sa mga alitan sa pulitika sa tahaw kan alegasyon ni Senator Imee Marcos na naggagamit nin iligal na droga an saiyang tugang na si President Ferdinand Marcos Jr.
Sigun ki Acting AFP Spokesperson Rear Admiral Roy Vincent Trinidad, an pahayag kan Senador an sarong isyung politikal na dapat resolbaran sa tamang institusyon asin bako da publiko.
Marurumdumang, ginibo kan Senadora an nasambitan ng akusasyon kasabay kan saiyang patara-tara sa anti-corruption protest kan Igleasia ni Cristo (INC) sa Quirino Grandstand kan nakalihis na Lunes kun saen sinaysay kan Presidential sister na adik soboot sa iligal na droga an Presidente, bagay na inapod man kan Malacañang komo sarong desperadong lakdang para sa political ambition kan Senadora.
Mientrastanto, kan haputon man dapit sa alegasyon asin sa panibagong pangapodan kan nagkapirang grupo na i-withdraw kan militar an suporta sa Presidente na nagsisirbing Commander-in-Chief, liwat na pigsierto kan AFP na dae sinda mapagamit sa maski sisay man.
Nanindugan si Read Adm. Trinidad na nagtitinir na propesyunal, disiplinado, asin non-partisan an Sandatahang Lakas asin nakatuon sa Konstitusyon asin sa seguridad kan nasyon.
