Target kan Armed Forces of the Philippines (AFP) na mapadakol pa an mga gamit-pandigma kaini sa paagi kan pagbakal nin mga bagong kagamitan.
Kabali sa mga target makua kan AFP an Indian-made short-range missile system asin duwang submarine. Sigun ki AFP Chief Gen. Romeo Brawner, Jr., sa irarom kan AFP Modernization Program – Horizon 3, igwa nin nakatagama na pondo an militar puon P80 billion hasta P20 billion para sa submarine acquisition.
Inisyal na target digdi an mga diesel-electric type kam mga submarine.
Digdi an duwang submarine planong makua kan militar, kaiba na an basing infrastructure asin iba pang logistical needs.
Dakula soboot an pangangaipuhan kan nasyon na makakua kan mga submarine huli na man sa archipelagic geography na igwa an nasyon.
An panduwang gamit-pandigma an Akash surface-to-air missiles gikan sa Bharat Dynamics na naka-base sa India.
Sigun ki Gen. Brawner, posibleng ma-order na an Pilipinas sa masunod na quarter kun saen piglalaoman ini na nagkakantidad nin $200 million.
