Buminigay an Agana Bridge sa Tarlac City huli sa padagos na pag-uran.
Segun sa Tarlac City Disaster Risk Reduction and Management Office, nangyari an insidente alas 8:32 nin Sabado, Agosto 29.
Ini na an ikaduwang tulay na buminigay sa nasabing syudad.
An enot iyo an Aquino Bridge mantang igwa man sarong behikulo an naireport na nahulog sa tulay.
Advertisement
Nailigtas an sarong pasahero mantang apat na katawo an padagos na hinahanap.
Huli sa insidente, napiritan an mga awtoridad na paramientras na isara an Agana Bridge para sa kasalbaduhan kan publiko.
Advertisement
