Nagpaplano an Department of Agriculture (DA) na magkua nin tabang gikan sa third party auditors tanganing masuri an mga anomalya sa mga proyekto kan farm-to-market roads, sigun ki Secretary Francisco Tiu Laurel kan nakalihis na Martes.
Susog sa report, pigsaysay ni Tiu Laurel na kaipuhan na nin dugang na tabang huli ta dakol na an proyekto kan tinampo sa bilog nasyon.
Magin an mga Army engineers pigkonsulta tanganing ma-verify an estado kan mga proyekto.
Dugang pa ni Laurel na pinag-aadalan an mga reporma, kaibahan an posibilidad na makipartisipar an mas dakol ma kumpanya, magin an mga internasyonal na kompanya, sa mga proyekto kan tinampo.
An mas kadakol na budget para sa departamento, pati na man sa mga proyekto kan farm-to-market roads, makikinabang an mga paraoma, na an premirong huma na kinakahampang iyo an irigasyon asin konektibidad kan tinampo, sigun pa sa opisyal.
Naenot nang nakipag-meeting si Laurel ki Department of Public Works and Highways Secretary Vince Dizon tanganing ibuyagyag an mga iregularidad na napag-araman sa nagkapirang proyekto, kaibahan an sa Davao Occidental asin Zamboanga City.
Nakatalaan man na makipag-meeting an DA asin DPWH sa Independent Commission for Infrastructure tanganing i-refer an saindang mga napag-araman para sa dugang na imbestigasyon.
