Pigtuyaw kan agriculutural group na SINAG an nagin desisyon kan Department of Agriculture (DA) sa pag-angkat nin pula asin puting sibulyas.
Sigun ki Jayson Cainglet an Executive Director kan SINAG na dae dapat maghidali an DA na mag-angkat huli sa naaktaba sana nin pirang semana an pag-ani kan mga sibulyas dara kan mga makakasunod na bagyo kan nakalihis na taon.
Naasegurar man kan grupo na igwa pang mga natatadang stocks sa mga traders asin sa retailers.
Pig abisuhan pa man kaini an DA na dapat halaton muna an pag-ani kan mga paraoma nin sibulyas.
Marurumdumang pigsugo ni Agriculture Secretary Francisco Tiu Laurel Jr an pag-angkat kan 3,000 metric tons na pulang sibulyas asin 1,000 metric tons na puting sibulyas.
