NAGA CITY- Pigrekognisar sa bilog na nasyon an agriculture asin fisheries sector kan siyudad nin naga sa kakatapos pa sanang 10th National Volunteers Day Agricultural and Fishery Council awards na pigkundisir sa Cebu City kan nakalihis na December 3, 2024.
Sa nagin patara-tara ni Naga City Councilor Omar Buenafe, sinaysay kaini na an nasambitan ng awards an penangenotan kan Philippine Council for Agriculture and Fisheries sarong attached agency kan Department of Agriculture na nagmamanehar sa karahayan asin pagpapauswag sa lado kan agriculture asin fisheries sector kan nasyon.
Sigun pa sa opisyal, saro an siyudad nin Naga sa paagi kan Naga City Independent Component City Agricultural and Fisheries Council sa mga nakakua nin mga darakulang awards.
An pagbisto na ini an pigtatao kan nasambitan ng ahensiya tanganing tawan onra an volunteers partners kan gobierno sa pagpapauswag kan Agriculture asin Fisheries sector sa bilog na Pilipinas.
Sa ngunyan, pinasalamatan na sana ni Buenafe an gabos na saindang nakatuwang tanganing makua an nasambitan ng awards.
