Isinarado an sarong airport sa London makalihis na magbagsak kasuodm an sarong eroplano sa lugar.
Sigun sa mga otoridad, nakaresebir sinda nin report mapadapit sa sarong nasusulong eroplano harani sa palupadan bandang alas-4 nin hapon (BST) kan nakalihis na domingo (Lunes sa Pilipinas).
Mayo pang opisyal na kumpirmasyon mapadapit sa numero kan binawian nin buhay or irido sa insidente.
Pigkompirmar kan sarong Dutch Company na an eroplano an saindang pagsasadiri. Sigun sa kumpanya, sinda an nakikipagtabangan na sa mga otoridad para sa imbestigasyon.
Napag-araman man na an eroplanong nagbagsak an gikan sa Athens, Greece, asin padiring Pula, Croatia, kun saen malupad kudta na pabweltada sa Lelystad Airport sa Netherlands.
Sigun man sa mga nakahiling, nagbaliktad soboot an eroplano asin nagbagsak nin pa-too, na pigsunodan kan dakulang pagsabog.
Nagkaigwa man nin evacuation sa nagkapirang parte kan golf course na harani sa insidente.
Mientrastanto, nagpaabot nin tabang si UK Transport Secretary Heidi Alexander, asin pigsierto na ini an nakatutok sa sitwasyon asin nagpahayag nin suporta sa lokal na opisyal gikan sa Southend City Council asin Parliament.
