Aki gadan sa nagbungkaras na kasulo sa sarong harong sa Quezon

NAGA CITY- Gadan an sarong aki makalihis an nangyaring kasulo sa sarong harong sa Lopez, Quezon.

Binisto an biktima na si Trisha Amor Villasanta, 12 anyos.

Yaon sa laog suboot kan nasambitang harong sa barangay Banabahin Ilaya an 12-anyos na biktima kan bigla na sanang magbungkaras an kasulo.

Basado man sa inisyal na imbestigasyon kan mga otoridad, nagluluwas na electrical short circuit an rason sa insidente asin nagpuon an kalayo sa sarong electric fan.

Sa ngonyan, padagos pa an imbestigasyon kan mga kapulisan tanganing maaraman an kabilugang danyos na pigwalat kan nangyaring kasulo.