Aram baya nindo mga ka Bombo, sarong public school sa United Kingdom an paramientras pig ibakwar makalihis magdara nin granada an saro sa mga estudyante para sa classroom activity.
An insidente an nangyari sa Osmaston Church of England Primary School sa Ashbourne, Derbyshire.
Sigun sa report, sarong aking lalaki an nagluwas nin soboot granada gikan pa sa panahon nin World War II mantang pigsasagibo an sarong activity na “Show-and-Tell”.
An nasambtan ng “Show and Tell” sarong classroom activity kun saen pig iinkaminar an mga estudyante na magdara nin sarong bagay gikan sa saindang harong asin ipaliwanag ini sa hampang kan klase komo parte kan training sa pagtataram asin man pagheheras nin personal na eksperyesya.
Sigun sa head teacher na si Jeanette Hart, tulos kaining kinua an granada sa kamot kan aski asin pigbugtak ini sa likod kan sarong dakulang kahoy sa parking lot mantang pighahalat an pag abot kan mga awtoridad.
Tulos man soboot ining nakipag-koordinar sa mga pulis asin man nag apod nin bomb disposal unit tangani surion an nasambitan ng granada.
Makalihis an masusing pagsusuri gamit an X-ray equipment, kinumpirmar kan military bomb experts na dae na aktibo an granada asin mayo na ining kakayahang sumabog.
Siringpaman, pig omaw kan mga awtoridad an marikas na pag-akto kan mga paratukdo tangani masierto an kasalbaduhan kan mga estudyante.
Sa report kan lokal na pulisya kan Matlock, pigtawan duon ninda an importansya kan pagigin mapanuri kan mga magurang sa mga bagay na dinadara kan saindang mga aki sa eskwelahan.
Sigun ki Hart, mayong maraot na intensiyon an aki asin man dae kaini aram an peligro kan saiyang dara.
