Aram baya nindo mga ka-Bombo, nakilhag na sana an sarong ini kan igwa nin mag-abot na mga pulis sa saindang harong sa Wisconsin, USA.
An saiya palan na 4-anyos na aki, an nag-apod sa 911 asin pigpapadakop ini nin huli ta dae kaini pigtawan nin ice cream.
Pigsumbong kan aki sa mga otoridad an ini na soboot “bad” ini mantang naghihibi sa audio recording kan Village of Mount Pleasant Police.
Pighapot man kan ina an aki kan magkatok an mga pulis. Hapot pa kan ini kun pig-apod kan saiyang aki an police asin pig-ako man kan aki.
Kan liwat man na haputon kan pulis an aki kun ano an rason kun tano ini naangot sa saiyang ina, sinabi kaini na huli sa ice cream. Huli digdi, napangirit na sana an mga nagrespondeng pulis.
Sigun man sa ini kan aki, igwa sindang pigbakal na ice cream asin pigkakan kaini an saro digdi. An paghuna kan aki, an saiyang ice cream an pigkakan kan ina, kaya nag-apod ini sa 911.
Sigun man sa saro sa mga pulis, ini an enot na bes na nakaeksperyensiya ini kan siring na insidente. Imbes na maanggot, pig-umaw ninda an aki sa pagiging “smart” kaini.
Antes maghali sa harong an mga otoridad, pigpabayaan ninda an aki na posasan an saiyang ina. Makalihis mapagbigyan an aki, naghali na an mga pulis.
Pagkaaga, nagbwelta an mga pulis sa saindang harong, alagad bako ng posas an dara kundi an paboritong ice cream kan aki na may sprinkles.
