Dakula an tsansa kan Alas Pilipinas na makasampa sa finals kan 2025 AVC Women’s Volleyball Nations Cup sa Hanoi, Vietnam.
Dinaog kaya kan mga Pinay spikers an katapat na Chinese-Taipei, sa iskor na 25-13, 25-21, 25-18, sa 2024 AVC Challenge Cup pasiring sa sindang four-game sweep sa Pool A.
Bumandera sa nasambitan ng kapangganahan sinda Eya Laure, Vanie Gandler asin veteran setter Jia Morado-De Guzman.
Nakatalaan na hampangon kan Nationals an mga Taiwanese kan nakalihis na banggi sa knockout semifinals paalaog sa finals kan torneong duwang sunod na beses pinagreynahan kan Vietnam. Katapat kan mga Vietnamese an Kazakhstan sa saro pang semis game.
Dinaog kan Alas Pilipinas an Kazakhstan, sa iskor na 25-21, 25-15, 25-19, kan nakalihis na Huwebes tangani tumapos na may magkaparehong 4-1 record.
Nangenot sa Nationals sinda collegiate standouts Angel Canino, Bella Belen asin Alyssa Solomon.
Huli digde nakua kan Alas Pilipinas an No. 1 spot sa Pool B katapat an Pool A second seed Chinese-Taipei.
Pinatumba kan mga Taiwanese an India, sa iskor man na 25-16, 25-20, 22-25, 25-17, sa huri nindang kawat sa Pool A tangani tumapos komo No. 2 ranked team bitbit an 3-1 marka sa irarom kan No. 1 Vietnam (4-0).
