Natapos na an kampanya sa Wimbledon ni Pinay tennis star Alex Eala. Dae nagtrayumpo si Eala sa saiyang kaenut-enuting pagkawat sa Wimbledon kontra sa defending champion Barbora Krejcikova sa score na 6-3, 2-6, 1-6.
Sa enot na set, kapot ni Eala an kapangganahan alagad paglaog nin ikaduwa asin man ikatulong set, ipinahiling ni Krejcikova an saiyang tibay sa pagkawat kontra sa ranked 56 player.
Nagtrayumpo si Czech player kun saen kapot kaini an 5-0 na puntos sa ikaduwang set.
Si Krejcikova, dae nagkawat sa quarterfinals kan Lexus Eastbourne Open kan nakalihis na semana huli sa injury mantang nag abot pa sa finals si Eala sa nasambitan ng torneo. Pig omaw man kan Czech player si Eala huli sa pagkagan kaini kan first round.
Masunod na maaatubang ni Krejcikova si World No. 66 Caroline Dolehide o World No. 94 Arantxa Rus sa ikaduwang round.
Mantang si Eala an makawat man sa women’s doubles kaiba si Eva Lys kun saen makakaatubang ninda si Olga Danilovic asin Anastasia Potapova ngunyan na aldaw nin Miyerkules.
