Alex Eala, laog na sa 2nd round kan Guadalajara 125 Open

Laog na sa 2nd round kan Guadalajara 125 Open si Filipino tennis star Alex Eala.

Ini makailihis kaining pataubon an Dutch tennis player na si Arianne Hartono sa paagi kan dominanteng performance, 6-2, 6-2.

Huli sa kapangganahan, hahampangon ni Eala an American tennis player na si Varvara Lepchenco.

Nagibo ni Lepchenco na daugon an saiyang kalaban sa score na 6-4, 6-1.

Ngunyan na taon, tolong beses nang dinaog ni Eala an Dutch player na si Hartono. Antes kaya an saiyang kapangganahan sa sa Guadalajara 125 Open sa Mexico, enot kaining pinataob si Hartono sa Bengaluru sa India, 6-1, 6-2.

Sinundan ini kan saro pang kapangganahan kan nakalihis na Canberra Open sa Australia, 6-3, 6-3.

Madurar an Guadalajara Open hasta Setyembre-6, 2025.