Preparado nang atubangon ngunyan na aldaw ni Pinay tennis star Alex Eala si Japanese tennis player Mai Hontama sa Round of 16 kan Mumbai Open sa India.
An 19-anyos kaya na si Eala an nakausad na sa Round of 16 makalihis na madaog si Sara Saito sa score na 6-1, 6-0. Nasa ranked 134 sa Womens Tennis Association ranking si Eala mantang si Hontama an ranked 166.
Apwera sa singles tennis masabak man si Eala sa doubles na kun saen makakaiba kaini si Tsao Chia Yi kan Taiwan.
Makakahampang kan duwa sinda Elena Pridankina asin Amina Anshba kan Russia sa Round of 16.
Huring nagtrayumpo si Eala sa singles asin doubles kan nakalihis na bulan nin Hulyo 2024 kan ma-dominada kaini an W100 Vitoria-Gasteiz sa Spain.
