Masiglang mapuon si Alex Eala sa Guadalajara Open sa Mexico ngunyan na Miyerkules nin mag oomagahon (oras sa Pilipinas), makalihis an saiyang makasaysayang trayumpo sa US Open.
Makakaatubang ni Eala an Arianne Hartono kan Netherlands sa Women’s Tennis Association (WTA) 125 tournament.
Marurumdumang dinaog na ni Eala si Hartono sa saindang tulong nakalihis na laban.
An 20-anyos na si Eala an naggibo nin historya sa Philippine tennis makalihiss na pabagsakon an world No. 14 na si Clara Tauson kan Denmark sa score na 6-3, 2-6, 7-6 (13-11) sa US Open —an saiyang primerong kawat sa sarong Grand Slam singles main draw.
Siringman, nabigo sinda sa ikaduwang round laban ki Cristina Bucsa kan Spain, 6-4, 6-3. Sa presente nasa ranked No. 75 si Eala sa kinaban.
Makalihis an torneo sa Mexico, pasiring sa Sao Paulo Open sa Brazil sa Setyembre 8 hasta petsa 14.
