Igwang mga nakapilang torneo pa na aatenderan si Pinay tennis sensation Alex Eala.
Ini an makalihis an kaenot-enoting pagkawat sa US Open kun saen nag-abot pa ini nin hasta ikaduwang round.
Nagpapasalamat si Eala sa mga fans na nagsuporta sa saiya orog na an mga nagdalan kan saiyang kawat sa New York.
Kadakol soboot ining nanudan na mga adal gikan sa saiyang pagkadaog na gagamiton man sa mga torneo na papartisiparan.
Marurumduman, nakapagrehistro nin historya si Eala makalihis an trayumpo kaini sa enot na round kontra ki World Number 15 na si Clara Tauson.
Alagad pag-abot kan ikaduwang round an nabigo na ini ki Cristina Bucsa kan Spain.
Nakapokus ngunyan an Pinay Tennis Star sa pagbali sa Guadalajara Open Akron sa Mexico asin Sao Paulo Open sa Brazil.
Makalihis ini, masabak man si Eala sa mga torneo sa Beijing, Wuhan asin Hong Kong asin posible sa Japan antes an pagpartisipar sa Southeast Asian Games sa bulan nin Disyembre.
