Pigheras kan aktres na si Alexa Ilacad an mapadapit sa saiyang adbokasiya mapadapit sa mga hayop.
Sa sarong entrevista, pigsaysay ni Alexa na padagos kaining susuportaran an pagtatao nin madadagusan para sa mga hayop orog na an mga stray animals siringman an pagsuporta sa mga animal rescuers.
Sigun sa aktres, harani sa saiyang puso an mga hayop nin huli ta igwa man ining sadiring pet na nagbago sa saiyang buhay pasiring sa karahayan.
Dugang pa kaini na kadakol soboot na dapat isaalang-alang enkaso maataman nin mga hayop, dapat preparado sa mga responsabilidad na kaakibat komo mga pet owners.
Marurumduman, kaidto pa man aram na kan kadakol na mga tawo orog na an mga fans kan aktres an saiyang pagkamoot sa mga hayop.
Pigheheras kaya kaini sa saiyang social media post an mapadapit sa saiyang pagboboluntaryo kaibahan an mga animal welfare groups.
Sa ngunyan, padagos soboot si Alexa sa saiyang napuonan asin pigpromesa na gigibuhon an gabos tanganing kadakol an matabangan pa na mga hayop.
