Inialay kan Ilongga beauty queen na si Alexie Brooks sa Miss Eco International 2025 competition kan nakalihis na aldaw nin Dominggo, Abril 20 na kinundisir sa Alexandria, Egypt an saiyang trayumpo sa saiyang yumaong Lola na si Lola Basing.
Sa social media, pigheras ni Alexie an ladawan kan saiyang lola mantang nasa TV screen an saiyang crowning moment.
Nagtalikod sa kainaban an saiyang Lola Basing kan naklaihis na Setyembre 2024.
Harani si Alexie sa saiyang lola na iyong nag ataman sa saiya mantang an ina an nagtatrabaho komo OFW sa Lebanon.
Kansuarin sana ay nagsurat man ini nin mensahe para sa kumpleanyo kan saiyang lola kan nakalihis na Abril 16.
Apwera sa korona, nasungkit man ni Alexie an Best in National Costume para sa saiyang Philippine Eagle-inspired outfit na dinisenyo ni Tata Pinuela.
Ini na an ikatulong Miss Eco International crown para sa Pilipinas, kasunod ninda Cynthia Thomalla (2018) asin man Kathleen Paton (2022).
