NAGA CITY- Pursigido na matabangan kan alkalde kan banwaan nin Pili Camarines Sur an mga estudyante na makatapos kan saindang pag-aadal.
Sa paghampang sa mga Kgwd kan Media ni Mayor Marivic Solano, Municipality of Pili Camarines Sur, sinaysay kaini na nagpakol na sa haros 2,000 na mga estudyante na nag apply para sa saidnang Educational Assistance na kun saen 460 digde an sainda nang naheras kan nasambitan ng asistensya.
Sigun ki Solano, ini na an pantulong pagkakataon na nakapag-distribwer siinda nin tabang sa mga estudyante magpuon kan nakalihis na bulan. Naghahagad pa ini nin dispensa sa mga taga Pili na hasta sa ngunyan dae pa naapudan o nakakaresiber kan asistensya huli ta may pigsusunod pa man na proseso.
Sa kadakulan na mga applicants, dawa na gabos gustong ma-cater asin matabangan, alagad kaipuhan nin kadikit na paghinay hinay orog na ta limitado man an budget sa presente.
Pigsierto ni Solano na sa ibong kaini, dae na kakaipuhanon pang mahadit huli ta saindang hihinguhahon na gabos man makakresiber.
Katakod kaini, sa Elementry, makakaresiber nin kantidad na 2,000, sa High School makakaresiber man nin 3,000 mantang sa College level, heherasan man nin 4,000.
Mahigot na pinapagirumdom kan saindang pamayuhan na sap ag claim kan nasambitan ng asistensya, kaipuhan na mafbitbit an mga IDs o Birth certificate, ini kaya an komo mapatotoo kan pagkakabistuhan kan mga beneficiaries.
Sa ngunyan, sigun sa opisyal, komo Ina kan banwaan, saiyang pigbubusol na makapagtapos nin pag eskwela an lambang mga estdyante sa lugar kaya naglalaom ini na sa paagi kan Financial Assistance, maski papano makatabang in isa mga sakit sa buhay na mga pamilya orog na ta igwa nin mga magurang na mayo man talagang episyenteng ibang maipapamana sa mga kaakian.
Nagtutubod ini na an mga inadalan an pinaka importante sa gabos huli ta dawa na magsain man na lugar, ini an bagay na naurin man dae mahahabon o mawawara.
