NAGA CITY- Nagpaluwas nin memorandum si Naga City Mayor Nelson Legacion dapit sa suspension kan trabaho sa gabos na opisina kan lokal na gobierno kan siyudad in-koneksyon sa pag-obserbar kan Semana Santa.
Sigun ki Allen Reondanga, pamayo kan CEPPIO-Naga, sinaysay kaini na sa maabot na Marso 27, 2024 puon alas 12 nin pagka-udto, suspendido na an trabaho sa gabos na opisina kan LGU-Naga apwera sa sa mga opisina na imbwelto sa disaster and emergency response, public information, solid waste management asin iba pang opisina na an trabaho an kinakaipuhan sa panahon kan pag-obserbar kan Holy Week.
Pigsaysay pa kaini na obheto soboot kan nasambitan ng kasuguan an matawan nin panahon an mga empleyado sa pag-andam sa gigubuhon na pag-obserbar kan Semana Santa. Dugang pa ni Reondanga paagi pa ini tanganing makabawas sa trapiko asin bulog kan lunadan na naglalaog sa Naga City.
Sa ngunyan, kamawotan na sana kan opisyal na magin matuninong sana an mga gigubuhon na pag-obserber kan publiko sa Mahal na Araw.
