NAGA CITY- Magkakaigwa kan groundbreaking ceremony para sa itutugdok na bagong Plaza Quezon Building sa siyudad nin Naga.
Sa nagin paghampang sa mga kagawad kan media ni Naga City Mayor Nelson Legacion, sinaysay kaini na nasa completion na soboot kan pagproseso kan procurement o bidding sa Regional office kan DPWH.
Makalihis ini mapaluwas naman nin notice to proceed kun saen puon sa pagkareseber kaini sa laog nin 10 aldaw kaipuhan na makapuon na sa patrabaho an bidders o winning contractors.
Sigun pa ki Legacion, posibleng an ground breaking an isasabay sa pagpuon kan patrabaho. Para man soboot sa mga nakapalibot sa itutugdok na bagong Plaza Quezon Building pig-asikaso naman ini kan legal office kun saen igwang nagkapira naman an nagpirma nin kontrata.
Katakod digde, nakiulay soboot an LGU-Naga sa winning contractors na tapuson an saindang trabaho antes mag-abot an Penafrancia Fiesta. Ini tanganing igwang magamit sa mga usual activities na pigkukundusir sa nasambitan ng selebrasyon.
Mientrastanto, liwat man na pigtawan duon ni Legacion na an bagong Plaza Quezon Building an sarong edificio na magayon asin moderno alagad igwa man historical bases.
Sa ngunyan, hagad na sana liwat kaini an suporta asin kooperasyon sa panahon na igwang kasiributan sa siyudad nin Naga.
