NAGA CITY- Pigsimbagan kan alkalde sa siyudad nin Naga an isyu mapadapit sa tutukdukan na relocation site sa Barangay Balatas.
Sa nagin paghampang sa mga kagawad kan media ni Naga City Mayor Nelson Legacion, sinaysay kaini na susog soboot sa legal na opinyon kan Department of Agrarian Reform an daga na pagsasadiri kan lokal na gobierno asin gagamiton para sa public use purposes an dae na kaipuhan an order kan convertion gikan sa nasambitan ng opisina.
Boot sabihon, tolos na makakapadagos kan saindang mga proyekto an LGU nin huli ta nasa legal an saindang mga aksyon.
Sigun ki Legacion, ini an rason kun tano nagpadagos an lokal kan gobierno kan Naga sa development kan Santa Cruz.
Sa ngunyan, pigsierto na sana kan opisyal na padagos an saindang pigsasagibong mga lakdang tanganing mas orog pang mag-uswag an siyudad nin Naga.
