Nangapudan an Alliance of Health Workers (AHW) na itao na an saindang performance-based bonus ngunyan na pasko.
Sigun ki Cristy Donguines, secretary general kan AHW, panahon na tanganing itao sa sainda an nagkakanigo na benepisyo para sa gabos nin health workers.
Padagos pa man soboot nagtinir na kalunos-lunos an kamugtakan kan mga health workers sa nasyon huli sa hababang pasweldo, kadakol na numero kan contructual asin kakulangan kan mga medial health workers.
Kaibahan pa man digde an dae naitataong emergency health allowance na panahon pa kan nakalihis na kasagsagan kan pandemic puon kan taong-2021 hast sa presenteng taon.
Ini an maski pa soboot na downloaded na an pigtalaan na pondo para sa gabos nin health workers.
Maabot na kaya sa labi P45,000 an pighahalat kan mga health worker depende pa iyan sa estado kan saindang posisyon.
Naglalaom man si Donguines na sisimbagon ini kan gobyerno tanaganing maggian man soboot an saindang bulsa.
