Alligator na naglaog nin mayong pagtugot sa Florida

ARAM baya nindo mga ka bombo inapod an mga deputy sheriff sa Florida tanganing halion an sarong malipot na dugong “loiterer” na sarong alligator.

Sigun sa Sarasota County Sheriff’s Office, an buwaya na may sukol na poco mas o menos na 10 talampakan asin 3 pulgada an laba an naggala pasiring sa sarong convenient store sa North River Road sa Sarasota.

Sarong semana antes ini, nakareseber man an sheriff’s office nin apod tanganing halion an sarong 14-talampakan, 600 libra na alligator gikan sa tahaw kan tinampo.