Pig-enkaminar ni Senate Deputy Minority leader Risa Hontiveros an mga otoridad na sugpuon an sindikato sa modus na nagtatao nin libreng biyahe sa Thailand alagad napupuli sa trafficking sa sarong scam hub sa Myanmar.
Sigun ki Hontiveros, pigpapaluwas na nanggana nin all expense trip sa Thailand an mga biktima alagad imbes na makapagbakasyon, dinadar sinda sa mga scam hub sa Myanmar tanganing sapiritang pagtrabahuhon.
Kadalasan soboot naenkaminar an mga biktima sa mga ads sa social media na nagpapamalong promo o raffle para sa libreng biyahe.
An dae aram kan mga biktima, sa online gaming asin scamming centers sinda mapapaduman. Partikulamente na dadarhon soboot an mga Pinoy na biktima sa human trafficking compound sa Myanmar.
Apwera pa sa sapiritang pagta-trabahuhin, nabubugbog pa asin naaabuso an mga biktima.
Kan 2022 pa enot na ibinunyag ni Hontiveros an nasambitan ng modus.
