Makusog na an bentahan ngunyan kan alternatibong paribok kaysa paputok sa mga merkado sa siyudad kan Pasay.
Kun saen, sigun sa sarong paratienda sa lugar, mabenta na soboot an saindang panindang torotot kasabay kan paparaning bagong tao.
Dugang pa kaini na piglalaoman na mas mapatok an saindang mga pigpapabakal na torotot sa mga masunod pang mga aldaw kan Disyembre 29 asin 30.
An saindang mga pigpapabakal na torotot an bakong siring kan dati na gibo pa sa papel na igwang kaakibat na peligro na pwedeng mahalon kan aki an pito na iyong pinagpuonan kan makusog na tanog.
Dugang pa kaini na mas marhay na bakalon na sana an torotot imbes na paputok komo alternatibong paribok sa pagsabat kan taong-2025.
Sigun pa man sa sarong paratienda kan torotot sa parehong lugar, mababakal an mga torotot sa hababang kantidad puon sa pinakasadit na tolo sanggatos hasta sa pinakadakula na nagkakantidad man nin P100.
Piglalaoman man kaini na mauubos an mga paninda kaining torotot huli sa kadalasan na pigdadagsa an mga bakalan sa siyudad kan Pasay kada igwang siring na okasyon.
