Piglinaw kan dating aktres na si Andi Eigenmann na dae nagibong mag-cheat sa saiya an fiancé asin Siargao-based surfer na si Philmar Alipayo.
Ginibo ni Andi an paglilinaw kasunod kan nagkapirang serye nin haros cryptic IG story kaini na nagpalutang sa spekulasyon kan saindang pagsuhayan.
Sa pigheras na IG story ni Andi kan nakalihis na aldaw nin Sabado, Pebrero 8, nagtao ini nin mas malinaw na konteksto sa saiyang mga naenot na posts asin man sinabing an mga ini an intended sa sarong partikular na amigang babae na soboot nagtrahidor sa saiya na dae pinangaranan pa.
Sa kada magkaibahan soboot an saiyang fiancé asin man an nasambitan ng babae, pirme man sinda nag iibahan.
Ipinaliwanag man ni Andi an saiyang pagpopost sa nasambitan ng isyu nin huli ta trinaydor soboot ini kan nasambitan ng tao na pig-iinkaminar an saiyang fiancé na makipagsuhayan sa saiya sa kada pag-iiwal ninda dawa na ngani pig-sstorya kaini an saiyang side.
Binanggit man ni Andi sa saiyang IG story an pagpapatattoo kan babae na pareho sa tattoo mark na “224” kan saiyang fiancé nin mayo lamang na pagkonsiderar sa saiyang mamamatian.
Pigporbaran man kan dating aktres na i-reach out ini tangani maipaliwanag an saiyang side alagad inisnab soboot an aktress.
Sinabi man ni Andi na pigheras kaini an nasambitan ng posts tangani na magtao nin awareness sa iba na an saiyang sitwasyon bakong normal.
Nagtao man nin pahayag an fiancé ni Andi na si Philmar sa saiyang IG story asin kinumpirmar an mga pigheras ni Andi.
Sinimbag man ni Philmar an mga pagbabatikos gikan sa netizen na pig-apod ining cheater asin pangit alagad mas nagpasalamat sa mga taong tunay na nakakabisto soboot saiya.
Marururmduman, na na-engage sinda Andi asin Philmar kan nakalihis na Disyembre 2020 asin presenteng may 2 aki mantang may sarong aki man ini sa saiyang dating karelasyon na si Jake Ejercito.
