Nagbukas nin tig-tolong gates an Angat asin Ipo Dam huli sa mahewasang pag-uran sa watershed area kan mga ini.
Parehong nag-abot an lebel kan duwang dam sa saindang normal high water level (NHWL) kaya dagusan nang nagbukas an dam management.
Igwang tolong-metrong opening an spillway gates na binukasan sa Angat asin nagpakawara ini nin 369 cubic meters per second (cms).
Nag-abot man sa 447.70 cms an pinakawaran kan Ipo Dam.
Sa presente, limang major dams na sa bilog na nasyon an nagpapakawara nin tubig.
Kaibahan digde an Magat, Binga, asin Ambuklao na haros mayo pang untok sa pagpapakawara puon kan magkakasunod na manlamasa an makukusog na bagyong Tino, asin Super Typhoon Uwan.
An mga naunambitan na limang dam an pawang gikan sa Northern Luzon na presente ngunyang nakakaeksperyensiya nin mga serye kan pag-uran huli sa nag-iiral na shearline asin amihan.
