NAGA CITY – Pigkumpirmar kan mga awtoridad na bandang alas 12:30 nin mag-oomagahon ngunyan na Disyembre 28, 2025 nagpakol na sa 6 na katawo an binawian nin buhay sa nangyaring aksidente sa pampapasaherong bus sa bangin sa banwaan kan Del Gallego.
Sa entrevista kan Bombo Radyo Naga ki PCAPT Bernie Undecimo, Acting Chief of Police kan Del Gallego MPS pigsasay kaining duwa sa mga lugadan an pigdara sa Bicol Medical Center an binawian nin buhay alas 2:00 nin pagkahapon kan Disyembre 27, 2025 asin bandang alas 12:30 nin mag-oomagahon ngunyan na Disyembre 28, 2025.
An huring nairehistrong gadan an Unconscious na si Benito Felicis 81 years old residente kan Antipolo Rizal.
Sa ngunyan natawan naman nin impormasyon an mga pamilya kan mga nagadan na biktima.
Mientrastanto, an drayber na sangkot sa insidente an padagos pang nasa hospital arrest na presenteng nasa irarom kan Brain and Spine Care asin ini nasana an natatadang pasyenteng yaon sa ospital.
Marurumduman kasuudma pigsunadan nin kasong Reckless Imprudence resulting to multiple Homicide, asin damage to property an drayber kan bus.
Pangapudan man ni Undecimo sa mga drayber asin publiko na magin malikay asin pirmeng ikondisyon an sadiri tanganing magin salbado an pagbabyahe.
