Dagusan nang nagbaba an lebel kan tubig sa Angat Dam kasabay kan napipintong tag-init sa bilog na nasyon.
Marurumdumang hasta kaining katahasan kan Marso, namantinir kan Angat Dam an lebel kan tubig na mas halangkaw kumparar sa normal water level (NHWL) kaini na 212 meters.
Siring man, basado sa record kan Hydrology Division kan state weather bureau, padikit dikit nang nagbaba an lebel kan tubig kaini asin sa presente nasa 211.31 meters na sana ini.
Kan nakalihis na aldaw, namantinir pa kan dam an 211.53 meters alagad kan mga nakalihis na 24 oras nagbaba ini nin labi 20 centimeters, bagay na nangyari na man sa mga nakalihis na aldaw.
Enot nang pigdeklararkan weather bureau an dagusang pagtatapos kan Amihan na dating nagdadara nin mga pag-uran sa dakulang parte kan Luzon.
An Angat Dam an primerong nagsu-suplay nin malinig na tubig sa mga kaharongan sa National Capital Region asin iba pang mga kataid na probinsiya. Ini man an nagsu-suplay nin tubig sa darakulang omahan sa Central Luzon.
