Nagkasundo an Dallas Mavericks asin Washington Wizards para sa eight-player blockbuster trade.
Nagtugot kaya an Dallas na i-trade an 10-time All-Star big man na si Anthony Davis kaibahan an guards na sinda Jaden Hardy, D’Angelo Russell asin Dante Exum pasiring sa Wizards.
Karibay ni Davis sinda Khris Middleton, AJ Johnson, Malaki Branham, Marvin Bagley III, asin duwang first-round draft picks asin tolong second-rounders.An blockbuster trade an nangyari sarong aldaw antes matapos an trade deadline sa NBA.
Kun babalikan an kabilugang pagtinir ni Davis sa Mavericks puon kan ini an na-trade gikan sa Los Angeles Lakers, nag-abot sana sa 29 games an saiyang nagibong pagkawat huli sa manlaen-laen na injuries.
Alagad nagtitinir na halangkaw an halangkaw an produksyon kan bigman,parehas sa scoring asin defense.
Kapot kaini an average na 20.1 points asin 11.1 rebounds per game sa laog nin 20 games na saiyang pigkawat ngunyan na season.
Makakaiban kaini sa Washington an dating Atlanta Hawks star na si Trae Young na kaparehas na injured.
