Nagpatanid an anti-cybercrime unit team huli sa bagong scam ngunian.
Sa nagin entrevista kan Bombo Radyo Naga ki PCPT. Angelo Babagay kan Camarines Sur PNP-Anticybercrime Unit, pigsaysay kaini an makabagong modus kan mga scammer sa mga estudyante.
Sigun digdi, may mga scam na target an mga estudyante sa paagi kan pag inkaminar sa mga ini na mag like sa post kan sarong website asin komo karibay makakaipon an mga ini nin puntos na riribayon nin kwarta.
Alagad, bago maresiber kan mga estudyante an siring na kwarta kinakaipuhan muna kan mga ini na magsend kan processing fee antes na maclaim na nasambitan ng kwarta.
Mientrastanto igwa nin nairehistro na soboot an mga ini kan kaparehong kaso sa ibang probinsya kaya labi soboot an saindang pagdisiminate kan impormasyon partilularmente sa mga ahensya huli ta kadalasan ini an mga nabibiktima.
Sa ngunian, hagad na sana man ni Babagay na magin alerto asin vigilante an mga estudyante tanganing dae mabiktima kan nasambitan ng modus.
