Pig-inkaminar ni Senador Panfilo Lacson an tulos na pagpasa kan Senate Bill No. 35 o an “Anti-Political Dynasty Act of 2025” na nagbabawal sa agom o kaparientes (hasta sa ikaduwang antas) kan sarong incumbent na kandidato sa reeleksyon na nagdadalagan sa parehong syudad o probinsya sa parehong eleksyon.
Sinaysay ni Lacson na obheto kan propwesto na balansehon an karapatan kan botante asin man an pagbabawal kan Saligang Batas sa mga political dynasty.
Ipinagbabawal man kan propwesto an sabayang pagdalagan kan duwang magkakonektar sa politika sa parehong lugar, dawa na dae sinda konektado sa presenteng opisyal.
Binanggit ni Lacson na magpuon pa kan nakalihis na ika-8 Kongreso, pirang beses nang pinorbarang ipasa an siring na ley, alagad pirmeng nabibigo.
Ginibong “playground” kan mga makapangyarihang pamilya sa politika an mga posisyon sa gobyerno, na nagraraot sa patas na laban sa eleksyon.
Inako ni Lacson an pagigin chairperson kan Senate Committee on Electoral Reforms and People’s Participation
