Ipighurot ni House Majority leader asin Ilocos Norte Rep. Sandro Marcos sa Kamara an sarong bill na gibuhong krimen an road rage asin higutan an mga penalidad laban sa agresibo asin reckless driving asin magpaabot nin malinaw na mensahe na an mga pampublikong tinampo bakong lugar para sa pananakot, pagbabanta asin kadahasan.
An House Bill No. 8190 o an “Anti Road Rage Act” obheto na magbugtak nin malinaw na hangganan sa pag-ultanan kan mga ordinaryong pagbalga sa trapiko asin mga pigtutuyong ilaag sa peligro an buhay.
Sinaysay ni Marcos na nakabase an bill sa sarong pundamental na prinsipyo nin seguridad kan publiko sa pag-ultanan kan mga ordinaryong pagbalga sa trapiko asin mga aksyon na nakakaapektar sa mga inosenteng commuters, pasahero asin pedestrians. Sa irarom kan HB 8190, an road rage tinatawan nin kahulugan bilang sarong tuyong asin agresibong akto kan sarong drayber o sakay nin sarong lunadan na naggigikan sa sarong insidente na may relasyon sa trapiko asin ginigibo tanganing takoton, bantayan, pang-harass, pagbalos o danyaran an mga kapwa paragamit kan tinampo asin nagdudulot nin malinaw asin presenteng peligro sa buhay, pagsadiri o kabtang kan hawak.
Dugang pa ni Marcos, importante an malinaw na depinisyon tanganing matawan nin mas epektibong tools asin pisikal na komprontasyon an mga nagpapaotob kan ley sa mga insidente na parating nag-eescalate, arog kan paghabol, pag-ulang asin pagbanta na minapoon sa simpleng road rage asin serious physical injury o kaagadanan.
Nakalaag sa bill an pagkakakulong nin anom na bulan hasta sarong taon o multa na P20,000-P100,000 o pareho.
Kun ini magresulta sa duwa o labi pang bakong gayong grabeng pisikal na danyos o grabeng pisikal na danyos o kagadanan, an akusado sasangatan nin intentional felonies sa irarom kan Revised Penal Code, asin an katumbas na mga penalidad sa pinakahalangkaw na lebel ipapataw, dagdag pa sa dagdag na multa na P200,000 sagkod P500,000.
