Nagkapirang miyembro kan House of Representatives an naggibo nin panibagong lakdang para sa pagsumiter nin Adolescent Pregnancy Prevention bill, na nagsasabi na an interbensyon kan gobyerno an importante tangani pugulan an paglangkaw kan pagbabados kan mga kajovenan.
Sinda Party-list Rep. Renee Co kan Kabataan asin Antonio Tinio kan ACT Teachers an nagsunad nin House Bill No. 4115 o an propwestong Adolescent Pregnancy Prevention bill, na kasabay kan pagpapaluwas nin sarong award-winning Filipino movie na nag iitok sa parehong paksa.
An propwestong ley an nagtatao nin mandatoryong pag-access nin impormasyon sa mga serbisyo sa reproductive health siringpaman an moderno asin iba pang legal, salbado sa medikal, asin epektibong paagi kan pagpaplano kan pamilya sa mga kajovenan, na may tamang pag giya kan mga sinanay na service providers.
Nakabugtak man sa propwesto na an pagtatao nin mga serbisyo sa reproductive health sa mga kajovenan an ibabase sa mga prinsipyo nin mayong diskriminasyon asin man pagigin kompidensiyal, an mga karapatan kan mga kaakiaan, an saindang mga kapasidad, asin an principle of the mature minor doctrine, na sinasabing an mga kajovenan an dae pinagkakaitan nin impormasyon asin man mga serbisyong kaipuhan tangani maiwasan an dae pigtutuyong pagbabados asin pagdidiskriminasyon.
Sa ibong na banda, sinabi ni Co, an mga aking babae an dapat na ma-enjoy an saindang pagigin aki asin dae magabatan sa pagpapadakula nin aki. Sa presente kaya, pa joven nin pa joven na an mga nagigin nanay.
Bako na ini an problema kan mga pamilya sana. Helang na ini kan lipunan dara kan laganap na abuso sa kababaihan asin dapat igwa nin tulos na aksyon an gobyerno dapit sa nasambitan ng isyu. Mientrastanto, inilahad ni Benitez na sa saiyang syudad pa sana sa Victorias, may pagkakataon na nakapagrehistro ini nin 189 teenage pregnancies.
Napababa alagad an makamundo iyo man an katotohanan na igwa talagang aki na nag eedad 8-14 anyos an nababados.
Makahadit na kinakaipuhan na nin agarang solusyon. Alagad dapat igwa pa man giraray nin simpatya sa mga kababaihan na labing apektado kaini. Dugang pa ni Benitez na an empathy, imbes na relihiyon, an dapat na magdedesisyon sa paggibo nin aksyon laban sa teenage pregnancy.
Naglalaom pa an opisyal na magkaigwa na nin comprehensive bill dapit igde asin matawan nin bastanteng pondo pag abot sa ley. Dakulang posibilidad na kadakol an maisasalbar na buhay orog na ta dae maitatagong an Teenage pregnancy an labing nakakaapektar sa gabos na mga pamilya
