Pigkumpirmar kan Department of Foreign Affairs (DFA) na dae mababa sa apat na Pinoy sa Israel an nalugadan asin pigdara sa ospital makalihis an isinagibong pagbalos nin air strike kan Iran.
Sigun ki DFA Undersecretary Eduardo De Vega, an mga nalugadang Pinoy an gikan sa Rehovot, sarong ciudad na nasa 20 kilometro sa timog kan Tel-Aviv.
Apwera sa sainda, 12 pang Pilipino an nasa sarong parke kan nagtama sa lugar an missile kan Iran.
Mientrastanto, sarong Pinay man an nawaran nin istaran asin paramientras na nagtitinir sa hotel makalihis tamaan nin mga missile an Ramat Gan, kanluran kan Tel-Aviv, sigun sa Philippine Embassy in Israel.
Sinaysay man ni De Vega na pig-aadalan na kan embahada kun kinakaipuhan nang ipautob an boluntaryo o sapiritang repatriation para sa mga Pilipino sa mga masunod na aldaw.
Pigsusuri na soboot kan Pilipinas an posibilidad nin pag-ebakwar paluwas kan Israel sa paagi kan Allenby Bridge pasiring Jordan enkaso maglala pa an tensyon sa pag-ultanan kan Israel asin Iran.
