Aram baya nindo mga ka-bombo, sarong arcade sa Pilipinas an naibulsa an Guinness World Record makalihis an pag-install kan pigmirar komo world’s largest claw machine.
Ini an igwang kabilugang sukol o area na nagpapakol sa 1,761 cubic feet.
Susog sa report, an PlayFair arcade sa TOPS landmark sa Cebu City piglunsar an Claw King, sarong dakulaong claw machine na opisyal na pigsukol kan construction firm para sa pagpurbar kan Guinness World Records
An nasambitan ng Claw King an igwang sukol na 17.16 feet long, 8.12 feet wide asin 12.73 feet tall.
An sukol na ini an bastante tanganing maagaw an record sa Santa Claw, sarong claw machine na pig-install sa Florida na igwang sukol na nagpapakol sa 16.7 feet long, 7.87 feet wide asin 11.81 feet tall.
Sa ngunyan, ikinaogma man kan bilog na Cebu an nasambitan ng titulo.
