Pig-inkaminar ni Manila Archbishop Jose Cardinal Advincula an mga deboto na makisumaro sa taunang pro-life event na “Walk for Life” sa papaabuton na Pebrereo 23.
Pigtawan importansya ni Advincula an pagkasararo orog na ngunyan na panahon nin Jubilee Year para sa promosyon kan proteksyon kan buhay.
Mapuon an pagtitipon nin alas-4 nin aga sa Lawn C kan Flower Clock Area sa Rizal Park.
An duwang kilometrong paglalakaw mapuon man nin 4:30 nin aga gikan sa Maria Orosa Street, Muralla Street asin sa Santo Tomas Avenue.
Pag abot man sa Manila Cathedral magkakaigwa nin halipot na programa pagkatapos kan misa na pangengenutan ni Advincula.
Kan mga nakalihis na taon pigsagibo an Walk For Life magpuon sa Welcome Rotonda sa Quezon City hasta sa University of Santo Tomas sa Maynila.
