Pigsierto kan Anti-Red Tape Authority (ARTA) an suporta sa Administrasyong Marcos sa tahaw kan political tension.
Sa opisyal na pahayag na pigluwas kan ARTA, nakapalaman digde an commitment kan nasambitan ng opisina na suportahan an desisyon kan Presidente, asin an vision kaini na yaon sa Bagong Pilipinas.
Pigtawan-duon man kan nasambitan ng opisina an tiwalang pigtao ni Presidente Marcos sa ARTA tanganing ibusol an marhay asin episyenteng pangengenot asin siertuhong bantayan an ease of doing business sa government agencies.
Nakapalaman pa sa pahayag kan opisina an tiwala kaini sa kakayahan kan Presidente asin kan saiyang team tanganing dagusan ng malampasan an mga huma sa presenteng administrasyon.
Kasabay kaini pig-enkaminar kan ARTA an publiko na simbagan an anuman na problema sa matuninong asin legal na paagi, asin magtiwala sa kakayanan kan mga korte, prosecution, asin law enforcement agencies.
Nag-apelar man ini sa government stakeholders na i-angat an lebel kan pagseserbe asin serbisyo-publiko, asin ipahiling na an pagmanehar bako sana sa simpleng ‘business as usual’ kundi ‘business’ na nagpapahiling kan kakayanan, paninimbagan asin igwang integridad.
Pigsaysay pa kan nasambitan ng opisina, an konsepto kan ‘whole of the nation approach’ bako sana sa sarong nakasurat na prinsipyo kundi sarong realidad na namamate asin nasasaksihan kan mga Pilipino.
