Aram baya nindo mga ka-Bombo, takot an namatean kan sarong paratukdo makalihis hilingon an CCTV kan saindang classroom huli imbes na estudyante, garo sarong aso na korte kan nakatindog na tawo an saiyang nahiling sa pintuan sa South Cotabato.
Nangyari an insidente banggi kan nakalihis na Oktubre 17, 2024 kun saen hihilingon sana dapat ni Hinguillo an 24/7 CCTV sa saindang classroom tanganing hilingon an kamugtakan sa bilog na aldaw kan saiyang mga estudyante.
Igwang motion detector an saindang CCTV kun igwang naghihiro na tao o ibang bagay.Paliwanag man kan video expert na si JC Lamsen, an nakuanan sa CCTV, posibleng aso asin repleksiyon, na nagin kawsa kaya naghihiro an CCTV asin pigsusunodan an pagbalyo kan aso sa video.
Alagad paglilinaw ni Hinguillo, kan mga oras na ito mayo soboot nagsisiga o kun ano man na pwedeng puonan kan aso asin repleksiyon sa laog kan classroom.
Imposible man ini magibo huli sa palipat-lipat man sa video an aso.
Mientrastanto, multo man o bako an nahagip sa CCTV, nagdesisyon an paratukdo asin naghagad sa padi na basbasan an classroom tanganing magkaigwa nin kapanatagan an mga teachers asin estudyate.
